ΤΡΑΓΟΥΔΑΕΙ Ο ΟΤΤΑΒΙΟ ΜΠΟΥΟΝΟΜΟ

ΤΡΑΓΟΥΔΑ Ο OTTAVIO BUONOMO


T’È PIACIUTA

Canta Napoli,
Napoli matrimoniale.
Eh eh!

Dopo i confetti,
só' asciute 'e difetti.
Caro Giovanni,
mo che ce vuó' fa?

Se riflettevi,
e se bene puntavi,
tutte sti guaje
nun stive a passá!

Mo chiagne e te dispiere
e haje voglia d'alluccá.
Ccá nun ce sta 'o divorzio
e tu te ll'hê 'a zucá.

T'è piaciuta? T'è piaciuta?
Tienatella cara cara!
T''a purtaste sull'altare,
sott''o braccio, 'nziem'a te.

Mo te vedo afflitto e stanco.
"Sù, coraggio...ué Giuvá'!
Se il mellone è uscito bianco,
e mo' cu chi t''a vuó' pigliá?!"

Il matrimonio è come il mellone.
Eh eh!
Puo' uscire bianco
e puo' uscire anche rosso.

Ma che sei matto?
Non dormi nel letto!
Dint''a pultrona
tu dormi, perché?

Dice che 'a notte
la sposa è più brutta.
Na capa 'e morte
te pare 'e vedé!

'A dote ch'ha purtato,
nemmeno cchiù ce sta.
Te ll'hê pigliata brutta
e niente sape fá!

T'è piaciuta? T'è piaciuta?
Tienatella cara cara!
T''a purtaste sull'altare,
sott''o braccio, 'nziem'a te.

Mo te vedo afflitto e stanco:
"Sù, coraggio...ué Giuvá'!
Se il mellone è uscito bianco,
e mo' cu chi t''a vuó' pigliá?!"

T'è piaciuta? T'è piaciuta?
Tienatella cara cara!
T''a purtaste sull'altare,
sott''o braccio, 'nziem'a te.

Mo te veco afflitto e stanco:
"Sù, coraggio...ué Giuvá'!
Se il mellone è uscito bianco,
e mo' cu chi t''a vuó' pigliá?!"

Se il mellone è uscito bianco,
e mo' cu chi t''a vuó' pigliá?!"